Në Mesdhe nuk mungojnë brigjet me ujëra blu dhe vende të qeta për të pushuar, që përqafojnë stilin e jetës si nomad, por jo të gjitha mund të kurorëzohen si më të mirat në Evropë, shkruan në një artikull të saj “Travel off Path”.

Shqipëria është një vend i vogël që ka regjistruar një fluks të numrit të “nomadëve digjitalë” që nga lëshimi i vizave jozyrtare në vitin 2022. Shumë prej tyre kanë zgjedhur të jetojnë në Tiranë, mes qyteteve të tjera bregdetare, ndërkohë që Vlora është një nga qytetet më mahnitëse në Shqipëri.

Ku ndodhet Vlora?

Vlora është qyteti i tretë më i madh i Shqipërisë, i vendosur përgjatë brigjeve të pacënuara me pamje nga Gjiri i Vlorës – dhe i shtrirë në një vijë të drejtë me qytetin turistik, Leçe – aktualisht “arratisja” më në trend e Italisë.

Qyteti bregdetar pritet që së shpejti të kthehet në pikën turistike më të vizituar të Shqipërisë nga turistët e huaj, pasi vendi vazhdon të tërheqë vëmendjen, kryesisht falë zbulimit të më shumë xhevahirëve të fshehur, si Vlora.

Ky qytet turistik ofron akomodime cilësore për një pushim të qetë, dhe apartamente të cilat mund të rezervohen për 400 dollarë në muaj.

I rrethuar nga nga më shumë ujëra të kaltër sesa Santa Fe, kryeqyteti i shtetit amerikan të Nju Meksikos, ky qytet i mrekullueshëm ofron peizazhe si në kartolina.

Sipas ekspertëve të udhëtimeve tre plazhet më të mira të Vlorës për të vizituar janë: Plazhi i Gjipesë, Plazhi i Dhërmiut dhe Plazhi Pulëbardhës.

Aeroporti i ri i Vlorës hapet në mars 2025

Mbërritja në Vlorë do të jetë shumë më e lehtë në mars 2025, pasi aeroporti i ri të jetë funksional. Transportuesi kryesor i Shqipërisë, “Air Albania” është në krye të linjave ajrore. Duke qenë se kompania ajrore “Ryanair” po nis fluturimet për në Dakhla, Sahara Perëndimore nga të gjitha vendet, a nuk mendoni se edhe Vlora do të jetë në radarin e saj? Për momentin, mënyra më e lehtë për të mbërritur në Vlorë është me autobus nga Tirana.

Për të arritur Vlorën, mund të fluturoni gjithashtu në Korfuz ose në porte të ndryshme italiane si në Bari, Brindisi dhe Leçe, dhe të merrni një traget.