Specialist Sektori i Monitorimit dhe Analizës pranë Drejtorisë së Promovimit të Turizmit
Agjencia Kombëtare e Turizmit (AKT), në zbatim të:
Ligjit nr. 7961, datë 12.07.1995 “Kodi i Punës i Republikës së Shqipërisë”, i ndryshuar; Ligjit nr. 44/2015 “Kodi i Procedurave Administrative i Republikës së Shqipërisë”; Ligjit nr. 90, datë 27.09.2012 “Për organizimin dhe funksionimin e administratës shtetërore”; VKM nr. 20, datë 18.01.2023 “Për një ndryshim në Vendimin nr. 298, datë 20.04.2016, për organizimin dhe funksionimin e Agjencisë Kombëtare të Turizmit; Urdhrit të Kryeministrit nr. 205, datë 05.11.2025 “Për miratimin e strukturës dhe të organikës së Agjencisë Kombëtare të Turizmit” (hyrje me tonën nr. 498/1 prot, datë 07.11.2025);Vendimit nr. 11, datë 15.01.2026 “Për disa ndryshime dhe shtesa në Vendimin nr. 191, datë 09.03.2016, të Këshillit të Ministrave, për krijimin e bazës së të dhënave shtetërore për sistemin e shërbimeve të punësimit”; Rregullores së Brendshme “Për organizimin dhe funksionimin e AKT-së”, njofton hapjen e 1 (një) vendi vakant zëvëndësues sipas raportit për leje barrëlindjeje datë 10.06.2026 QSH Nr.9 Tiranë për pozicionin: Specialist në Sektorin e Monitorimit dhe Analizës pranë Drejtorisë së Promovimit të Turizmit në Agjencinë Kombëtare të Turizmit (AKT), Kategoria e pagës: IV-2.
I. KUSHTET QË DUHET TË PLOTËSOJË KANDIDATI
A. Kushtet e Përgjithshme
Kandidatët duhet të plotësojnë të gjitha kushtet e mëposhtme:
a. Të ketë shtetësinë shqiptare;
b. Të gëzojë zotësi të plotë për të vepruar;
c. Të gëzojë integritet moral dhe profesional;
d. Të jetë i aftë për punë;
e. Të mos jetë dënuar me vendim gjykate të formës së prerë për kryerjen e një krimi apo kundërvajtjeje penale me dashje;
f. Të mos i jetë hequr e drejta e ushtrimit të detyrës në administratën publike me vendim gjyqësor të formës së prerë;
g. Të mos jetë larguar për shkelje disiplinore nga administrata publike dhe të mos ketë masë disiplinore të rëndë në fuqi sipas Kodit të Punës;
h. Të mos ketë konflikt interesi me detyrën ose funksionin që do të kryejë.
B. Kërkesat e Posaçme
Kandidatët duhet të plotësojnë gjithashtu kërkesat e mëposhtme të posaçme:
1. Të ketë përfunduar studimet e larta për Financë;
2. Të ketë aftësi të shkëlqyera komunikimi në të shkruar dhe të folur në gjuhën shqipe;
3. Të jetë njohës i mirë i drejtëshkrimit të gjuhës shqipe;
4. Të ketë aftësi organizative dhe të realizojë punën me efiçencë, efektivitet dhe brenda afateve;
5. Të njohë dhe të zbatojë rregullat e etikës dhe sjelljes profesionale në administratën publike.
II. PËRSHKRIMI I DETYRAVE DHE PËRGJEGJËSIVE
Specialisti/ja në Sektorin Monitorimit dhe Analizës pranë Drejtorisë së Promovimit të Turizmit Mbështetëse në Agjencinë Kombëtare të Turizmit (AKT), kryen detyrat dhe mban përgjegjësitë e mëposhtme:
Mbështet proceset e monitorimit, vlerësimit dhe analizës së tregut turistik dhe performancës së projekteve të agjencisë, duke siguruar mbështetje të bazuar në të dhëna për vendimmarrje strategjike dhe planifikim të qëndrueshëm të zhvillimit të turizmit.
Detyrat dhe Përgjegjësitë Kryesore
- Mbledh, përpunon dhe analizon të dhëna statistikore dhe informacion mbi sektorin e turizmit.
- Harton raporte periodike mbi tregun turistik, performancën e projekteve dhe realizimin e objektivave.
- Monitoron dhe vlerëson indikatorët kryesorë të zhvillimit turistik dhe ndikimin e projekteve të implementuara.
- Siguron analizë të të dhënave për identifikimin e trendeve, sfidave dhe mundësive të reja.
- Bashkëpunon me sektorët e tjerë për sigurimin e të dhënave dhe informacionit të saktë dhe të plotë.
- Ndihmon në përgatitjen e dokumenteve për strategji, plane zhvillimi dhe raporte drejt organeve qendrore dhe donatorëve.
- Mbështet proceset e vlerësimit të projekteve dhe iniciativave të reja në fushën e turizmit.
- Siguron ruajtjen dhe organizimin e databazave dhe evidencave statistikore.
- Kryen detyra të tjera të përshtatshme sipas udhëzimeve të eprorit
III. DOKUMENTACIONI I KËRKUAR
Kandidatët e interesuar paraqesin kërkesën e aplikimit pranë Zyrës së Protokollit të AKT-së, brenda afatit të shpallur, të shoqëruar me dokumentacionin e mëposhtëm:
1. Jetëshkrim (CV) i plotësuar në gjuhën shqipe, sipas standardeve të legjislacionit shqiptar, dhe letër motivimi;
2. Kopje e noterizuar e diplomës. Për diplomat e marra jashtë Republikës së Shqipërisë, të bashkëlidhet njehsimi nga Ministria e Arsimit;
3. Listë notash e noterizuar;
4. Fotokopje e librezës së punës (të gjitha faqet që vërtetojnë eksperiencën në punë);
5. Fotokopje e letërnjoftimit (ID);
6. Vërtetim i gjendjes shëndetësore;
7. Vetëdeklarim i gjendjes gjyqësore / Dëshmi penaliteti;
8. Çdo dokumentacion tjetër që vërteton trajnimet, kualifikimet, arsimin shtesë ose vlerësimet pozitive të përmendura në jetëshkrim.
Mosparaqitja në kohë dhe e plotë e dokumentacionit sjell automatikisht skualifikimin e kandidatit.
IV. MËNYRA DHE AFATI I APLIKIMIT
Të gjithë kandidatët e interesuar janë të lutur të paraqesin aplikimin e tyre pranë Zyrës së Protokollit të AKT-së, deri më datë 22/05/2026, ora 10:00, me objekt:
“Aplikim për pozicionin e punës: Specialist i Sektorit të Monitorimit dhe Analizës pranë Drejtorisë së Promovimit të Turizmit në Agjencinë Kombëtare të Turizmit (AKT) Kategoria e pagës: IV-2.
V. PROCESI I VLERËSIMIT DHE PËRZGJEDHJES
1. Pas mbylljes së afatit, Njësia e Burimeve Njerëzore verifikon dokumentacionin e dorëzuar.
2. Kandidatët që plotësojnë kriteret e kërkuara do të njoftohen nëpërmjet e-mailit për datën dhe orën e intervistës së strukturuar me gojë.
3. Përzgjedhja e kandidatit fitues do të bëhet nëpërmjet konkurimit me dosje dhe me intervistë të drejtpërdrejtë.
4. Në përfundim të procesit të vlerësimit, Njësia e Burimeve Njerëzore do të njoftojë individualisht çdo kandidat në mënyrë elektronike dhe do të shpallë fituesin në faqen zyrtare të AKT-së (www.akt.gov.al).
