Kukësi ndodhet në veri-lindje të Shqipërisë, pranë kufirit me Kosovën, në rrëzë të malit të Gjallicës dhe në breg të Liqenit të Fierzës. Ky qytet ofron peisazhe të bukura natyrore me male të larta, lumenj të pastër dhe gjelbërim të pasur. Liqeni i Fierzës është atraksioni kryesor turistik, me pamje të mrekullueshme. Përreth liqenit gjenden fshatra tradicionale dhe shpate të mbushura me pyje, që krijojnë një ambient të qetë dhe relaksues.
Përveç bukurive natyrore, Kukësi është gjithashtu një qendër e rëndësishme kulturore dhe historike. Vizitorët mund të eksplorojnë memoriale dhe muze që ruajnë kujtimet e ngjarjeve të mëdha historike, si dhe të njohin traditat e pastra dhe mikpritjen e veçantë të banorëve të veri-lindjes. Zona ofron mundësi për aktivitete të ndryshme në natyrë si dhe eksplorim i fshatrave autoktone ku mund të shijoni ushqimin dhe produktet tradicionale lokale. Kukësi është një destinacion tërheqës për ata që kërkojnë të kombinojnë aventurën, kulturën dhe relaksin në një mjedis natyror të pasur dhe autentik.
