“Eksperiencë & Ekspertë” është thelbi i markës ITB Berlin, panairi më i rëndësishëm ndërkombëtar në fushën e turizmit. Ky event bashkon vendimmarrësit më të lartë, ekspertët, blerësit dhe profesionistët e rinj nga të gjitha segmentet e zinxhirit turistik, duke ofruar mundësinë për të marrë informacion mbi temat kyçe dhe tendencat më të fundit, për të shkëmbyer kontakte biznesi dhe për të mbyllur marrëveshje globale përmes ndërveprimeve personale me profesionistë ndërkombëtarë.
Agjencia Kombëtare e Turizmit merr pjesë në këtë panair prej më shumë se një dekade, duke forcuar dhe konsoliduar imazhin e Shqipërisë në tregun gjerman.
