Gjatë këtij turi 2-ditor, do të keni mundësinë të eksploroni një nga rajonet më të veçanta dhe autentike të Shqipërisë së Jugut — Përmetin, i njohur ndryshe si qyteti i trëndafilave. Lumi Vjosë, i fundit i egër në Europë dhe i mbrojtur nga UNESCO, shoqëron rrugëtimin me peizazhe të mrekullueshme, ndërsa historia dhe tradita e kësaj treve të lënë gjurmë . Muzeu i Përmetit, Lapidari i Kongresit dhe Guri i Qytetit dëshmojnë thellësinë kulturore të zonës, ndërsa Banjat e Bënjës me ujërat termale shëruese, Kanioni i Langaricës me muret shkëmbore mbresëlënëse dhe Ura e Kadiut mbi lumin Langaricë ofrojnë një natyrë të paprekur dhe të jashtëzakonshme. Fshati Frashëri dhe Shtëpia Muze e Vëllezërve Frashëri të çojnë në fillimet e kombit shqiptar, ndërsa Parku Kombëtar i Hotovës-Dangëllit, me pyjet e dendura të bredhit dhe faunën e larmishme, e mbyll eksperiencën me madhështinë e natyrës malore. Përmeti është një destinacion që kombinon historinë, natyrën dhe traditat kulinare të jugut të Shqipërisë, duke e bërë atë një mundësi ideale për t’u vizituar gjatë të katër stinëve.
Itinerar 2-ditor në Përmet
Dita 1
Mbërritja në Aeroportin Ndërkombëtar të Tiranës “Nënë Tereza”. Pas mbërritjes, merrni një makinë me qira nga operatorët e shumtë që ndodhen pranë aeroportit dhe nisuni drejt qytetit të Përmetit. Udhëtimi zgjat rreth 3 orë, duke ndjekur rrugën përgjatë luginës së lumit Vjosë, e cila ju shoqëron me pamje të mrekullueshme natyrore gjatë gjithë itinerarit. Gjatë rrugës mund të ndaloni për një kafe “take & go” ose të pushoni në një nga baret e shumta përgjatë itinerarit.
Sapo të mbërrini në Përmet, akomodohuni në një nga bujtinat ose hotelet e zonës, të cilat ofrojnë shërbim të mirë hotelerie dhe mikpritjen karakteristike të qytetit të trëndafilave . Villa Përmet / Hotel Kaso Ervehe / Gogo Moustache Guest House / Opens in new window / Chri Chri Guesthouse / Opens in new window / Guesthouse Lumo & pool / RAMIS Hotel & Outdoor Sports Center / The Mosaic House – Shtepia me Mozaik / Opens in new window / Funky Boutique Hotel & Adventures / Honey Hill Villa
Pasi të jeni akomoduar dhe të keni pushuar pak nga rruga, është koha e duhur për të eksploruar zemrën e qytetit. Filloni me një vizitë në Muzeun e Përmetit, i cili ruan objekte, dokumente dhe artefakte që dëshmojnë historinë e pasur të zonës ndër shekuj, nga periudhat e lashta deri në kohët moderne. Muzeu është një pikënisje e shkëlqyer për të kuptuar thellësinë kulturore dhe historike të kësaj treve.
Pas vizitës në muze, vazhdoni shëtitjen nëpër qytet dhe kaloni pranë Lapidart të Kongresit të Përmetit, një nga simbolet më të rëndësishme historike të qytetit, i cili kujton ngjarje vendimtare të historisë kombëtare shqiptare. Mos e humbisni as Gurin e Qytetit, një nga shenjat më karakteristike dhe të njohura të Përmetit, i cili shërben si pikë referimi dhe simbol i identitetit lokal.
Në mbrëmje, uluni në një nga restorantet e shumta të qytetit dhe shijoni gatime tradicionale të zonës. Përmeti është i njohur për kuzhinën e tij të pasur dhe autentike, ku mes të tjerave mund të provoni pjata tradicionale si pulën e përgatitur sipas recetave vendase, si dhe ëmbëlsirat karakteristike të zonës, që bëjnë pjesë në trashëgiminë kulinare të kësaj treve të jugut të Shqipërisë.
Dita 2
Mëngjesi në Përmet ju gjen mes qetësisë dhe ajrit të pastër malor. Pasi të keni konsumuar mëngjesin dhe kafen tuaj, nisuni për të eksploruar pasuritë natyrore dhe kulturore të zonës, të cilat e bëjnë Përmetin një nga destinacionet më të veçanta të turizmit shqiptar.
Filloni ditën me një vizitë në Banjat e Bënjës (Llixhat e Bënjës), një nga thesarët natyrorë më të çmuar të rrethit të Përmetit. Këtu do të gjeni burime ujore termale me veti shëruese, të rrethuar nga një natyrë e gjelbër dhe e qetë. Mund të relaksoheni në ujërat termale dhe të shijoni atmosferën unike që ofron kjo zonë, ideale si për çaste relaksi, ashtu edhe për fotografim dhe shëtitje në këmbë.
Rrugës për në Bënjë, mos e humbisni Urën e Kadiut, një urë historike e vendosur mbi brigjet piktoreske të lumit Langaricë. Ura ofron pamje të bukura dhe është një pikë e rëndësishme kulturore e zonës, që bashkon historinë me bukurinë natyrore të peizazhit përreth.
Pas Bënjës, vazhdoni eksplorimin me një nga bukuritë më të mëdha natyrore të Përmetit — Kanionin e Langaricës. Ky formacion gjeologjik i veçantë karakterizohet nga mure shkëmbore të larta dhe të ngushta, që krijojnë një peizazh mbresëlënës. Kanioni është i pasur me biodiversitet bimor dhe shtazor, duke e bërë atë një destinacion ideal për dashamirësit e natyrës, fotografinë dhe ecjen në terren malor.
Pas drekës në një nga restorantet ose bujtinat e zonës, ku ofrohen gatime tradicionale të Labërisë dhe të Përmetit,Restorant Antigonea / Sofra Përmetare / Te Çuli / Restorant Familjari / Restorant Velia . vazhdoni rrugëtimin drejt fshatit Frashëri për të vizituar Shtëpinë Muze të Vëllezërve Frashëri. Kjo shtëpi-muze ruan kujtimet, dokumentet dhe artefaktet e ndërtuesve të kombit, figurave shembullore të Rilindjes Kombëtare Shqiptare, dhe është një nga pikat kulturore me rëndësi të veçantë historike në të gjithë Shqipërinë.
Në rrugën e kthimit drejt Përmetit, ndaloni pranë Parkut Kombëtar “Bredhi i Hotovës – Dangëlli”, një nga parqet më të mëdha dhe më të pasura natyrore të Shqipërisë, me pyje të dendura bredhash, fauna të larmishme dhe peizazhe malore që të lënë pa fjalë. Gjithashtu, mos e humbisni mundësinë të admironi Lumin Vjosë, i njohur si lumi i fundit i egër në Europë dhe i mbrojtur si park kombëtar nga UNESCO , i cili shtrihet me bukurinë e tij të egër dhe të paprekur përgjatë territorit të Përmetit.
Në fund të ditës, kthehuni në qytet për t’u përgatitur dhe për të nisur udhëtimin e kthimit drejt Aeroportit Ndërkombëtar “Nënë Tereza”.
