Kalaja Ilire e Xibrit ndodhet në një lartësi prej 930 metrash mbi nivelin e detit. Ndodhet midis fshatrave Xibër – Hane mbi lagjen “Splaj”, fshatit Shkallë dhe fshatit Dars. Historiani Sefer Duka thotë se kjo kala i përket periudhës ilire në shekullin e 5-të para Krishtit, duke e bërë atë një nga më të vjetrat në vendin tonë. Sipas Dukës, të dhënat arkeologjike kanë treguar elementët bazë të kulturës ilire dhe të fisit Pirust.
Folklori thotë se Kalaja e Xibrit, ishte kalaja e madhe e Kastriotëve dhe kur portat e saj të hekurta u mbyllën, çarja e tyre u ndje në Bejne.
Është e nevojshme të vazhdohen kërkimet arkeologjike në këtë vendbanim të lashtë ilir, në një vazhdimësi në Mesjetë, sepse sigurisht që do të zbulohen shumë surpriza në këto troje.
