Ballkoni panoramik i rrugës së re Shëngjin–Velipojë ndodhet në Malin e Rencit, mbi Ranën e Hedhun. Ai ofron një fushëpamje të gjerë bregdetare që përfshin Kepin e Redonit, plazhet e Tales, Vainit, Kunes, Velipojës dhe deri në Ulqin.
Ballkoni është i pajisur me parking, i cili mundëson ndalesa për të shijuar peisazhin dhe për t’u relaksuar.
Është një ndër pikat më të fotografuara të zonës, veçanërisht gjatë lindjes dhe perëndimit të diellit. Vizitorët shpesh ndalen për pushime të shkurtra dhe për të shijuar freskinë e malit. Pamjet panoramike krijojnë një eksperiencë të paharrueshme për çdo udhëtar.
